Kosta de Alhabaite

Nortenho, do Condado Portucalense

Se em 1628 os Portuenses foram os primeiros a revoltar-se contra o domínio dos Filipes, está na hora de nos levantarmos de novo, agora contra a corrupçao, o centralismo e colonialismo lisboeta!

Galiza Confidencial: Filme de animaçom basco chega aos cinemas da Galiza com legendas em galego-português


Galiza Confidencial - Emotivo filme em basco baseado numha lenda medieval dos Pirinéus e protagonizada por um bardo ou cantor popular enfrentado à Igreja. A estreia galega é a 23 de março e respeitará os nossos direitos lingüisticos com legendas na nossa língua.

A longametragem de animaçom em basco "Gartxot, konkista aitzineko konkista" (Gartxot, a conquista antes da conquista), realizado por Juanjo Elordi e Asisko Urmeneta e produzido por Somuga, chegará aos cinemas da capital o próximo 23 de março. O filme -que conta com música de Benito Lertxundi e as vozes de conhecidos cantores da zona dos Pirinéus bascos-, supom todo um reto, pois é umha fita de animaçom para adultos, que se projeta unicamente na língua do País Basco. Na nossa naçom, o filme será projetado no cinema Compostela da capital da Galiza, com legendas em galego.
Estreada no País Basco no passado 18 de novembro, 'Gartxot' recebeu excelentes críticas e umha boa acolhida por parte do público. Fruto de quatro anos de trabalho, "Gartxot" é umha mistura de tragédia romántica e filme de aventuras, filmada com uns desenhos inovadores, umhas paisagens que evocam o romantismo e um guiom que procura a emoçom. Está baseada numha narraçom que o escritor Arturo Campión publicou em 1917 apoiando-se numha antiga lenda do Vale de Salazar, Navarra, sobre os bardos, cantores populares que preservavam a memória e a cultura do seu povo.
Nesta história, o Abade de Roncesvales desterra o bardo Gartxot e rapta o fillo dele, Mikelot, para que cante em latim ao serviço da Igreja. Mikelot consegue escapar do convento e é perseguido polos temíveis monges guerreiros. A partir de aí desencadea-se a tragédia.
O projeto cinematográfico conta com o envolvimento do cantante Benito Lertxundi quem, para além de ser o compositor das cançons do filme, deu voz a umha das personagens, junto à cantora Olatz Zugasti. A maioria dos atores que pugérom as vozes tenhem experiência nas Pastorais suletinas e alguns deles som músicos de sona no campo da música tradicional.
Daqui

0 comentários: